Garda Kombëtare e IowaS (IANG) nga SHBA dhe Forcës së Sigurisë së Kosovës (FSK), sot po qëndrojnë në Prizren, ushtarët bashkë do të zhvillojnë një punëtori, njofton Klan Kosova.

Qëllimi i saj është të simulojë një seancë të planifikimit strategjik për operacionet e paqes nga perspektiva e korrikut 1999 në Kosovë.

Ceremoninë e hapi Ismet Dema, prorektor i Universitetit “Ukshin Hoti”, i cili tha se 12 qershori i 1999-së është një ngjarje e paharruar që e ka ndarë jetën dhe vdekjen, e rol të madh sipas tij ka luajtur KFOR-i që vendosi paqe.

Këtu foli edhe Mark Besking koordinatori i kësaj punëtorie, ai iu tregoi ushtarëve historinë e Kosovës dhe iu sqaroi punët që ata do të bëjnë.

Ushtarët amerikanë dhe ata kosovarë u shprehën të bindur se pas këtij ushtrimi, do të marrin shumë mësime e do të kenë mundësi edhe të shkëmbejnë përvoja mes vete.

Kjo është një nga ngjarjet thelbësore akademike për vizitën e Gardës Kombëtare të Ioëa dhe bashkëpunimit me Forcat e Sigurisë së Kosovës, në vjeshtë 2019.

Ushtarët kanë për të zhvilluar planifikimin për çështje specifike mbi sfidat me të cilat përballen paqeruajtësit në 120 ditët e para të një operacioni paqeje – nga rivendosja e shërbimeve thelbësore, kthimi i refugjatëve, të drejtat e njeriut, krimet e luftës, ndihma humanitare, drejtësia civile e të tjera.